Union Budget 2024 : मोदी सरकारच्या दुसऱ्या कार्यकाळातील अखेरचा अर्थसंकल्प केंद्रीय अर्थमंत्री निर्मला सीतारामण 1 फेब्रुवारी रोजी सादर करणार आहेत. आगामी लोकसभेच्या निवडणुकीच्या अनुषंगाने हा अर्थसंकल्प फार महत्त्वाचा ठरणार आहे.
Union Budget 2024 : देशाच्या नव्या संसदेत 1 फेब्रुवारीला अर्थसंकल्प सादर केला जाणार आहे. बुधवार 31 जानेवारीपासून अर्थसंकल्पाच्या अधिवेशनाला सुरुवात झाली आहे. सरकारने अंतरिम अर्थसंकल्पासाठी पूर्णपणे तयारी केली आहे. नुकत्याच काही दिवसांपूर्वी अर्थसंकल्प सादर होण्याआधी हलवा समारंभ (Halwa Ceremony)देखील पार पडला आहे.
मोदी सरकारच्या दुसऱ्या कार्यकाळाचा हा अखेरचा अर्थसंकल्प मोदी सरकारसाठी खास असणार आहे. यानंतर नवे सरकार स्थापन झाल्यानंतर संपूर्ण अर्थसंकल्प सादर केला जाणार आहे.
अर्थसंकल्प ‘वोट ऑन अकाउंट’ राहण्याची शक्यता
अर्थमंत्री निर्मला सीतारमण (Nirmala Sitharaman)१ फेब्रुवारीला २०२४ रोजी अर्थसंकल्प सादर करणार आहेत. या दिवशी सादर केला जाणारा अर्थसंकल्प अंतरिम अर्थसंकल्प असणार आहे. कारण यंदाच्या वर्षात एप्रिल-मे महिन्यादरम्यान लोकसभा निवडणूक (Lok Sabha Election) होण्याची शक्यता आहे. अशातच हा अर्थसंकल्प केवळ ‘वोट ऑन अकाउंट’ प्रमाणे असणार आहे. अंतरिम अर्थसंकल्पात नवीन सरकार स्थापन होईपर्यंत महसूल आणि खर्चाचे अंदाज सादर केले जातात. जेणेकरून देशाच्या अर्थव्यवस्थेच्या सुरळीत कामकाजात कोणतीही अडचण येऊ नये आणि अर्थव्यवस्थेवर नागरिकांचा विश्वास टिकून रहावा.
सकाळी 11 वाजता सादर केला जाणार अंतरिम अर्थसंकल्प
अर्थसंकल्प सादर करण्याआधी अधिकृत प्रक्रियेचे पालन केले जाते. यासाठी सर्वप्रथम अर्थमंत्री निर्मला सीतारमण आपल्या निवासस्थानाहून नॉर्थ ब्लॉकसाठी रवाना होतील. येथे सर्व अधिकाऱ्यांची भेट घेतल्यानंतर राष्ट्रपतींची अर्थसंकल्पाबद्दल मंजूरी घेण्याची प्रक्रिया पार पाडली जाणार आहे. अर्थसंकल्पाला कॅबिनेटच्या बैठकीत मंजूरी मिळाल्यानंतर 11 वाजता संसदेत अर्थमंत्र्यांचे अर्थसंकल्पासंदर्भातील भाषण सुरू होईल.
आजपासून संसदेत अर्थसंकल्पाचे अधिवेशन सुरू होणार
31 जानेवारीपासून संसदेत अर्थसंकल्पाच्या अधिवेशन सुरू होत आहे. येत्या 9 फेब्रुवारीपर्यंत अर्थसंकल्पाचे अधिवेशन सुरू राहणार आहे. आजच्या अर्थसंकल्पाच्या अधिवेशनाच्या पहिल्या दिवशी राष्ट्रपती द्रौपदी मुर्मू (President Droupadi Murmu)दोन्ही लोकसभा आणि राज्यसभेच्या संयुक्त बैठकीला संबोधित करणार आहेत. यानंतर 1 फेब्रुवारीला मोदी सरकारचा अंतरिम अर्थसंकल्प सादर केला जाणार आहे.
अर्थसंकल्पाचे “>लाइव्ह प्रक्षेपण
दरवर्षीप्रमाणे यंदाच्या केंद्रीय अर्थसंकल्पाचे लाइव्ह प्रक्षेपण तुम्हाला पाहाता येणार आहे. अर्थसंकल्पाचे लाइव्ह प्रक्षेपण तुम्ही दूरदर्शनव्यतिरिक्त संसदेच्यी टीव्हीवर, PIB च्या सोशल प्लॅटफॉर्म आणि अर्थमंत्रालयाच्या You Tube चॅनलवर पाहू शकता.
